Pu Khuma & Pu Khara: Ringtu hmasa ber. 25 June 1899-ah Baptisma an chang
Pu Chuautera & Challiana: 1907-ah England leh Europe ram fangin an zin.
Rev. R. Dala: 1912-ah England a kal.
Pu R. D. Leta: 1910-ah Matric a pass.
Rev. Chhuahkhama: 1912-ah Dip. Th a pass.
Rev. Chuautera: 1913-ah Ordination pek a ni.
Pu Thangluaia: 1923-ah S.D.O a thawk, 1920-ah B.A final a exam, a fail.
Pu Hrawva: 1924-ah B.A a pass, B.A hmasa ber a ni.
Pu Ch. Pasena: 1925ah London-ah Dip.Ed a pass, London-a lehkha zir hmasa ber
Rev. Dr. Lalthanliana: 1935-ah USA a kal, USA kal hmasa ber a ni.
Pu Khawtinkhuma: 1939-ah M. A a pass, M.A hmasa ber a ni.
Rev. Zairema: 1940-ah B Sc. (Hons);1945 B.D (1st class) hmasa ber a nih kawp
Pi Lalsangpuii: 1942-ah B. A a pass, hmeichhe B.A hmasa ber a ni.
Dr. Thantluanga & Pu Khamliana Sailo: Lungleng lalten “Kaisar-I-Hind Medal” an dawng.
Pu Sainghinga: OBE, mizo zinga awm chhun a ni.
Tv. Lalzova(Fam Lalzova): Lengzem (love song) phuah thiam hmingthang (1924-1945).
Mizo Holy Bible: 1959 September-ah a lo piang.
Pu Kapsavunga: Lungthul Paliana an ti mai thin a, Lungthul, Manipur ram mi a ni a, 6’ 7” a sang a ni. a awm a tehin sum kua a ni a, Zofate zingah sang ber, lian ber a la ni fo.
Chhunzawm tur…
Sep 20, 2009
Sep 17, 2009
Meo Pialral Kal Dan
Keini Mizote ngaihdan ang deuh bawkin, Mitthi thlarauvin mitthi khua a kalna kawngah thil chi hrang hrang a tawk angin; Myanmar rama Mrauk Oo Township-a Meo hote hian ngaihdan mak tak an nei a. Mitthi ruang bulah chuan arte rehhlum 2, chawfun te takte 2, pawisa (thir tangka) 1, dawhkilh leh chem hi an dah a.Tichuan Puithiam chuan thiam hla a chham a, pialral kal kawnga a hman tur a ruang bula an dah hman dan tur hi hla angin tihian a chham ta a: “Khai le, he in hi chhuansanin mitthi khua, pialral chu I pan dawn ta a ni. Thu ka chah and chea, I tih zel chuan Mitthi khua pialral chu tluang takin I va thleng thei dawn a ni.
• Chem: Kha I bulah chem. Kan dah a nia, pialral chu I pan dawn ta a ni a, a hmasa bera I thil tih tur chu hei hi a ni. Pialral kawng chu hling kungin a lo khap mup anga, beidawng lo la, I bula chem kan dah khan sam fai zel la, lo fing hnih khat vela sei I vah hnuah chuan pialral kawng chu I hmu leh mai ang. Tang fan fan la beidawng mai suh.
• Sava: Hling hmun I kal pelh hnu deuhvah kawng chhak lam leh kawng thlang lamah in tiat zeta lian lungpui pahnih hi an insu bup bup ang a, chu chuan pialral kalte lo chilh hlum a tum a ni. Chu mi lungpui kiang I thlen chuan hei hi hria ang che. Lungpui pahnih a inkau laiin chak takin tlan pelh tum mahla, nangma zamranna chuan a tlin lo vang. Amaherawhchu hei hi hre reng rawh, lungpui chungah chuan sava thlawk rang chi sava I hmu ang a, chu sava hnenah chuan; “Aw sava, min khawngaih la, I mei min vawntir rawh, chuti lo chuan he lungpui hian min chilh hlum dawn,” ti ang che. Tichuan sava chuan a mei a vawntir ang che a, lungpui inkau chhungin chak takin a thlawh kanpui thei mai dawn che a ni.
• Dawhkilh: Tichaun pianral kalkawngah I kal zel anga, pitar pakhat hi kawng lai takah hian a lo thu ang. Chu pitar chuan hrik a ngah em em a, a hrik en turin a ti ang che. Tha taka I en sak loh chuan a chhiatkhum hrep ang che. Hrik a ngaha a lu a thak nasat em a vangin I kianga kan dah dawhkilh hmang khan a lu thak chu na deuh deuhin ziat vak vak ang che. Nuam a ti anga, rei vak lovah a muhil mai ang. A mutthilh veleh amah chu I kal pel vat dawn a nia.
• Ar note: Pitar I kal pelh hnu chuan pangang pahnih hi kawng chhak leh kawng thlangah an lo awm ang a, chu pangang chu a lian em em a, a ka hi a zau hle a ni. An ril a tam em em bawk a, pialrala kal turte chu an chaw a ni. Chu hmun I thlen chuan I bula ar note kan dah kha, nangmah ei tuma pangang lian puiin an ka an ang lai takin an ka chhungah I vawm lut anga, ar note an thiala an ka an chip lai takin I kal pel vat tur a ni.
• Chaw fun: Luiral I kai hnu rei vak lovah kulh I va thleng anga, tahchuan ui kawlh ril tam tak takin rawn sehhlum che a, I sa ei ral vek an tum ang. Chuvangini I chaw fun kha han theh darh uai la, I chaw mal theh darh an ei chhungin I kal pel vat dawn a nia.
• Chaw fun dang pakhat: Chutia ui rual hmun I pelh chuan mitthi khua pawh I lo thleng dawn ta a. Thil pakhat chauh tihtur I nei tawh. Mitthi khua chuan kawngkhar a nei a, chu kawngkharah chuan vangtu pitar leh putar riltam em em hi an lo awm ang a, I chaw fun pakhat la awm kha I pe anga, “mitthi khua kal ka duh e, khawngaih takin mitthi khaw kawngkhar hi min hawn sak u la, mitthi khuaa ka chhungte kal hmasa ho khan min lo hmuak turin tlang min au sak the u khai,” I ti dawn a nia. Amaherawhchu an ril a tam taw hem avangin I chaw fun pek kha tlai leh puar takin an ei te te ang a, chu mi zawhah an lawm hle dawn a ni. Tichuan mitthi khaw kawngkhar chu an hawn sak thuai ang che anga, I chhung leh kuate pawh an auh sak nghal ang che. Chu veleh mitthi khuaa I chhung leh kuaten an lo hmuak ang che, hlim takin Mitthi khuaah chuan in khawsa dawn a nia.”
Meo hovin mitthi khaw chungchang an ngaihdan atanga kan hriat theihte chu:
- Thlarau an nei tih an ring
- Pialral kal tur hian harsatna tam tak pal tlang a ngai tih an pawm.
- Thlarau chawlhna hmuna kal hmasate nen hlim takin mitthi khuaah an khawsa ang tih ngaihdan an nei.
- Thih hnu khawvel beiseina an nei.
Hengte hi an rin dan a nih avangin an hnena chanchin tha hrilh hi an tan rin a harsa lo vang tih a rin theih a ni.
Note: He thu ziak hi Myanmar Mizo Theological Fellowship in Seminar (Aug. 2009) a buatsaih tuma Rev. Dr. Vanlalhnema paper buatsaih ‘Mission Strategy’ atanga lak chhawn a ni. Kan pipu ten pialral kalkawng an thlir dan nen a inang ang reng hlein ka hria. Puibawiha)
PS: Ka blog tlawh thintute in ngaihawm hle mai. Tunah hian Rangon-ah rawngbawlna neiin ka awm ta daiha, duh angin ka update thei lova pawi khawp mai. Chibai vek u.
• Chem: Kha I bulah chem. Kan dah a nia, pialral chu I pan dawn ta a ni a, a hmasa bera I thil tih tur chu hei hi a ni. Pialral kawng chu hling kungin a lo khap mup anga, beidawng lo la, I bula chem kan dah khan sam fai zel la, lo fing hnih khat vela sei I vah hnuah chuan pialral kawng chu I hmu leh mai ang. Tang fan fan la beidawng mai suh.
• Sava: Hling hmun I kal pelh hnu deuhvah kawng chhak lam leh kawng thlang lamah in tiat zeta lian lungpui pahnih hi an insu bup bup ang a, chu chuan pialral kalte lo chilh hlum a tum a ni. Chu mi lungpui kiang I thlen chuan hei hi hria ang che. Lungpui pahnih a inkau laiin chak takin tlan pelh tum mahla, nangma zamranna chuan a tlin lo vang. Amaherawhchu hei hi hre reng rawh, lungpui chungah chuan sava thlawk rang chi sava I hmu ang a, chu sava hnenah chuan; “Aw sava, min khawngaih la, I mei min vawntir rawh, chuti lo chuan he lungpui hian min chilh hlum dawn,” ti ang che. Tichuan sava chuan a mei a vawntir ang che a, lungpui inkau chhungin chak takin a thlawh kanpui thei mai dawn che a ni.
• Dawhkilh: Tichaun pianral kalkawngah I kal zel anga, pitar pakhat hi kawng lai takah hian a lo thu ang. Chu pitar chuan hrik a ngah em em a, a hrik en turin a ti ang che. Tha taka I en sak loh chuan a chhiatkhum hrep ang che. Hrik a ngaha a lu a thak nasat em a vangin I kianga kan dah dawhkilh hmang khan a lu thak chu na deuh deuhin ziat vak vak ang che. Nuam a ti anga, rei vak lovah a muhil mai ang. A mutthilh veleh amah chu I kal pel vat dawn a nia.
• Ar note: Pitar I kal pelh hnu chuan pangang pahnih hi kawng chhak leh kawng thlangah an lo awm ang a, chu pangang chu a lian em em a, a ka hi a zau hle a ni. An ril a tam em em bawk a, pialrala kal turte chu an chaw a ni. Chu hmun I thlen chuan I bula ar note kan dah kha, nangmah ei tuma pangang lian puiin an ka an ang lai takin an ka chhungah I vawm lut anga, ar note an thiala an ka an chip lai takin I kal pel vat tur a ni.
• Chaw fun: Luiral I kai hnu rei vak lovah kulh I va thleng anga, tahchuan ui kawlh ril tam tak takin rawn sehhlum che a, I sa ei ral vek an tum ang. Chuvangini I chaw fun kha han theh darh uai la, I chaw mal theh darh an ei chhungin I kal pel vat dawn a nia.
• Chaw fun dang pakhat: Chutia ui rual hmun I pelh chuan mitthi khua pawh I lo thleng dawn ta a. Thil pakhat chauh tihtur I nei tawh. Mitthi khua chuan kawngkhar a nei a, chu kawngkharah chuan vangtu pitar leh putar riltam em em hi an lo awm ang a, I chaw fun pakhat la awm kha I pe anga, “mitthi khua kal ka duh e, khawngaih takin mitthi khaw kawngkhar hi min hawn sak u la, mitthi khuaa ka chhungte kal hmasa ho khan min lo hmuak turin tlang min au sak the u khai,” I ti dawn a nia. Amaherawhchu an ril a tam taw hem avangin I chaw fun pek kha tlai leh puar takin an ei te te ang a, chu mi zawhah an lawm hle dawn a ni. Tichuan mitthi khaw kawngkhar chu an hawn sak thuai ang che anga, I chhung leh kuate pawh an auh sak nghal ang che. Chu veleh mitthi khuaa I chhung leh kuaten an lo hmuak ang che, hlim takin Mitthi khuaah chuan in khawsa dawn a nia.”
Meo hovin mitthi khaw chungchang an ngaihdan atanga kan hriat theihte chu:
- Thlarau an nei tih an ring
- Pialral kal tur hian harsatna tam tak pal tlang a ngai tih an pawm.
- Thlarau chawlhna hmuna kal hmasate nen hlim takin mitthi khuaah an khawsa ang tih ngaihdan an nei.
- Thih hnu khawvel beiseina an nei.
Hengte hi an rin dan a nih avangin an hnena chanchin tha hrilh hi an tan rin a harsa lo vang tih a rin theih a ni.
Note: He thu ziak hi Myanmar Mizo Theological Fellowship in Seminar (Aug. 2009) a buatsaih tuma Rev. Dr. Vanlalhnema paper buatsaih ‘Mission Strategy’ atanga lak chhawn a ni. Kan pipu ten pialral kalkawng an thlir dan nen a inang ang reng hlein ka hria. Puibawiha)
PS: Ka blog tlawh thintute in ngaihawm hle mai. Tunah hian Rangon-ah rawngbawlna neiin ka awm ta daiha, duh angin ka update thei lova pawi khawp mai. Chibai vek u.
Subscribe to:
Posts (Atom)